top of page

Vefrit fjármagnað af lesendum

Ef þér líkar við skrif okkar og efnistök og vilt sjá vefritið lifa og dafna þá er um að gera að gerast áskrifandi. Þinn stuðningur skiptir máli!

Stöðutaka á Einkasafninu


Einkasafnið, Aðalsteinn Þórsson, Deiglan, Akureyri, Gilfélagið, Listagilið, norðurland, list, menning, listasýning, landsbyggðin, úr vör, vefrit
Ljósmynd úr Einkasafni Aðalsteins Þórssonar.

Nú stendur fyrir dyrum stöðutaka á Einkasafni myndlistarmannsinns Aðalsteins Þórssonar í fjölnotasalnum Deiglunni í Listagilinu á Akureyri. Í fréttatilkynningu frá Gilfélaginu segir að Aðalsteinn hafi búið til alltumlykjandi innsetningu í sal safnsins sem saman stendur af ljósmyndum, myndbandsverkum, ljósskúlptúr og fjölmörgum safnmunum úr Einkasafninu.

„Í verkefni mínu Einkasafninu geng ég út frá því að afgangar neyslu minnar séu menningarverðmæti, á svipaðan hátt og litið er á hafðbundna sköpun, afganga hugans sem menningarverðmæti. Ég leitast við að halda til haga öllu því sem af gengur af minni daglegu neyslu.“

Þetta segir Aðalsteinn í fyrrnefndri fréttatilkynningu vera megin inntak Einkasafnsins. Verkefnis sem hann hefur unnið að síðan um aldamótin síðustu. Í þessu verkefni vill hann gera sýnilega stærð einstaklingsins í umhverfinu, efla umhverfisvitund og vinna að sjálfbærni. Samtímis því að skapa nýja fegurðarupplifun þar sem samtvinnast náttúrulifun og menningar upplifun.


Fram kemur í fréttatilkynningu Gilfélagsins að Aðalsteinn Þórsson sé fæddur árið 1964 á Kristnesi í Eyjafirði. Árið 1989 hóf hann nám í Myndlistaskólanum á Akureyri. Hann lauk MFA námi frá Dutch Artinstitute, ArtEz árið 1998, þá Aki2 í borginni Enchede í Hollandi, Aðalsteinn hefur verið starfandi myndlistamaður síðan þá. Aðalsteinn hefur verið búsettur á Íslandi síðan 2016, haldið fjölda einkasýninga, tekið þátt í samsýningum og viðburðum. Auk þess að starfa að félagsmálum í menningarinnar. Megin verkefni hanns er Einkasafnið, umhverfisverkerk sem hann starfrækir í Eyjafjarðarsveit 10 km. sunnan Akureyrar.

Einkasafnið er vaxandi safn sem hýsir það sem verður eftir af eigin neyslu, því sem er hent. Með þessu er reynt að gefa eins heillega mynd af fyrirferð einstaklingsins í umhverfinu og hægt er. Leitast er við að Einkasafnið sé sjálfbær eining hvað varðar orkuöflun og meðferð úrgangs. Með það að markmiði að vera í jafnvægi við náttúru og umhverfi.

Sýningin er opin til sunnudagsins 22. október og er opin frá 14:00 - 17:00 í Deiglunni Kaupvangsstræti 23 á Akureyri. Við hvetjum áhugasama um að kynna sér endilega þessa áhugaverðu sýningu.


#Einkasafnið #DeiglanAkureyri

bottom of page