Vefrit fjármagnað af lesendum

Ef þér líkar við skrif okkar og efnistök og vilt sjá vefritið lifa og dafna þá er um að gera að gerast áskrifandi. Þinn stuðningur skiptir máli!

List fyrir alla


List fyrir alla, Mennta- og menningarmálaráðuneytið, list, menning, landsbyggðin, úr vör, vefrit
List fyrir alla er verkefni á vegum mennta- og menningarmálaráðuneytisins sem hefur verið starfrækt síðastliðin 5 ár. Mynd frá Mennta-og menningarmálaráðuneytinu

Nú má nálgast yfirlit yfir öll menningarhús, sýningar, söfn og setur sem miðla list og menningu til barna og ungmenna á einum stað á vefnum.


Á vef verkefnisins „List fyrir alla“ er að finna ítarlegar upplýsingar um barnamenningu og listviðburði fyrir ungt fólk sem gagnast bæði skólum og fjölskyldum.


Í fréttatilkynningu á síðu Mennta- og menningarmálaráðurneytisins segir að vefurinn Listfyriralla.is hafi vaxið og dafnað með árunum og að þar sé nú einnig að finna vinsæla list- og menningarfræðslu í formi 150 myndbanda og listkennsluefnis svo og upplýsingar um listviðburði sem bjóðast grunnskólum landsins hverju sinni.


List fyrir alla er verkefni á vegum mennta- og menningarmálaráðuneytisins sem hefur verið starfrækt síðastliðin 5 ár samkvæmt áður nefndri fréttatilkynningu. Segir þar að markmið þess sé að miðla listviðburðum til barna og ungmenna um land allt og jafna þannig aðgengi þeirra að fjölbreyttum og vönduðum listviðburðum óháð búsetu og efnahag. Höfuðáhersla er lögð á list fyrir börn og list með börnum og leitast við sinna öllum listgreinum jafnt svo nemendur eigi þess kost að kynnast fjölbreytni listanna, íslenskum menningararfi og list frá ólíkum menningarheimum.


Í fyrrnefndri fréttatilkynningu segir að um 10.000 nemendur á grunnskólaaldri hafi að meðaltali sótt viðburði á vegum Listar fyrir alla á hverju skólaári en rúmlega 90% grunnskóla landsins hafa tekið þátt í verkefninu. Meðal þeirra 27 listviðburða sem í boði verða í vetur eru Ein stór fjölskyldu með Gunna og Felix, grímuverðlaunasýningin Allra veðra von, Goðsagnakenndar forynjur og furðurverur Kristínar Rögnu, og verkefnið Stafrænar styttur í samstarfi við Listasafn Einars Jónssonar.


Við hvetjum áhugasama um að kynna sér allt um málið á síðunni: https://listfyriralla.is/


#Listfyriralla #listogmenning