Dagskrá einleikjahátíðarinnar Act Alone hefur aldrei verið jafn glæsileg eins og í ár, en yfir 30 viðburðir fara fram á þremur dögum. Hátíðin, sem fram fer á Suðureyri dagana 8. til 10. ágúst næstkomandi er árshátíð eins manns listarinnar hér á landi, en þetta er eina hátíð sinnar tegundar hér á landi og þó víðar væri leitað.
Það má með sanni segja að á dagskrá sé eitthvað fyrir alla og er boðið upp á veglega barnadagskrá enda er forsvarsmönnum hátíðarinnar annt um framtíðina. Boðið er upp á einleiki, tónlist, uppistand og er allt ókeypis. Um er að ræða 16. hátíðina og að þessu sinni verða tvær erlendar gestasýningar á hátíðinni.
Fyrst ber að nefna mímuleikara frá Moldavíu George Cilopan sem býður uppá einstaka pantómímusýningu sem kallast The Conductor og er fyrir alla aldurshópa. Hin erlenda sýningin er Title and the Deed sem sýnd hefur verið í Englandi í vetur og kemur frá Farnham Maltings leikhúsinu, en leikarinn er hinn íslenski Páll Sigþór Pálsson.
Eins merkilegt og það hljómar þá eru hvorki meira né minna en átta Vestfirðingar eru að útskrifast úr Listaháskólanum og öll munu þau sýna á hátíðinni í ár. Um er að ræða unga listamenn í sviðslistum, fatahönnun og myndlist. Tveir tónleikar eru á hátíðinni og þar mætast sannarlega kynslóðirnar í þeim Magnúsi Þór Sigmundssyni og hinum færeyska Jógvan.
Bæjarlistamaður Ísafjarðarbæjar verður útnefndur á hátíðinni, en komin er hefð fyrir því. Fyndnasti maður Vestfjarða kemur fram, töframaðurinn Ingó sýnir listir sínar, tveir trúðar troða upp, þó vitanlega í sinnhvoru lagi en það eru þeir Wally og Singó. Jana Napoli verður með einstakt lófaleikhús og svo ótal ótal margt fleira. Nú er bara um að gera að taka umræddar dagsetningar frá í dagatalinu og plana ferð á Suðureyri í sumar! Hina glæsilegu dagskrá má sjá hér að neðan, athygli er vakin á skemmtilega óhefbundnum tímasetningum dagskrárliða í sumum tilfellum.
Dagskrá Act alone 2019
8. ágúst
18.31 FISKISMAKK - UPPHAFSSTEF ACTSINS, við FSÚ
18.45 VILTU LESA ÁLFASÖGUR, bókmyndasýning
18.46 JÓN SKÓLASTJÓRI, myndlistarsýning
19.01 INGÓ GEIRDAL, galdrasýning – 30 mín, FSÚ
19.45 VELKOMIN HEIM, einleikur – 60 min, FSÚ
20.55 AFSAL KARLMENNSKUNNAR, fatahönnunarsýning ÞURRKVER
20.55 SKERMUR, fatahönnunarsýning ÞURRKVER
20.55 MYNDAÐU ÞINN EIGIN TÖFRALJÓMA, fatahönnunarsýning, ÞURRKVER
20.55 AÐGÁT SKAL HÖFÐ Í NÆRVERU SÁLAR, myndlistarsýning ÞURRKVER
21.15 FÉLAGSSKAPUR MEÐ ÓKUNNUGUM, einleikur – 50 mín, ÞURRKVER
22.21 WIKI HOW TO START A PUNK BAND, danstónleikhús - 60 mín, FSÚ
23.36 MÓRI, einleikur – 30 mín, ÞURRKVER
9. ágúst
kl. 18.31 SAGA Í HENDI – LÓFALEIKHÚS JANA NAPOLI, í gangi allt kveldið
kl.18.45 SLAGWERK, einleikur – 45 mín, ÞURRKVER
kl. 19.45 Í HENNAR SPORUM, einleikur – 60 mín, FSÚ
kl.21.01 ÁSTIN Í C-DÚR, einleikur – 30 mín, ÞURRKVER
Kl. 21.45 TITLE AND THE DEED, einleikur – 60 mín, FSÚ
Kl. 23.01 JÓGVAN, tónleikar – 60 mín, FSÚ
Kl. 24.11 TRÚÐURINN WALLY – 40 mín, FSÚ
10. ágúst
kl.11.45 SÖGUSTUND Í STAÐARDAL
kl. 13.01 SAGA Í HENDI – LÓFALEIKHÚS JANA NAPOLI, frá 13 – 17,
kl.13.01 NÁTTÚRUBARNASKÓLINN, útileikur– 50 mín, ÚTI
kl. 14.01 WALLY, trúðaleikur – 45 mín, VIÐ FSÚ
kl. 14.47 FARÐU Á FÆTUR SINGÓ, trúðaleikur – 20 mín, VIÐ FSÚ
kl. 15.20 DIMMALIMM, einleikur – 40 mín, einleikur, FSÚ
kl. 16.10 AUÐUR AVA, upplestur – 30 mín, FSÚ
kl. 17.00 TÓNAÐ OG STUNGIÐ, KÁLFAST OG DÚLLAÐ – GJÖRNINGALIST Í GAMLA SVEITASAMFÉLAGINU!, fyrirlestur – 30 mín, FSÚ
kl.19.01 DAVIÐ RIST, tónleikar – 30 mín, ÞURRKVER
kl.19.45 Bæjarlistamaður Ísafjarðarbæjar tilkynntur, FSÚ
kl.19.51 THE CONDUCTOR, mímuleikur – 60 mín, FSÚ
Kl. 21.11 ISTAN, einleikur – 70 mín, ÞURRKVER
Kl. 22.31 FYNDNASTI MAÐUR VESTFJARÐA – 15 mín uppistand, FSÚ
Kl. 22.45 MAGNÚS ÞÓR SIGMUNDSSON, tónleikar - 60 mín FSÚ
Texti: Aron Ingi Guðmundsson